Sniðug græja
DV vídeó (sem er spólu/upptökuformat sem er heilmikið notað í sjónvarpsvinnslu) hefur þann mikla galla að myndin er allt of mikið þjöppuð. Það er ferlega leiðinlegt að vinna almennilega litgreiningu eða bluescreen/effektavinnu á efni sem tekið er upp á DV, einu upplýsingarnar sem eru á bandinu eru það sem maður sér og ekkert svigrúm er til tilrauna. Nær allar tegundir af stafrænu vídeói þjappa gögnunum á einn eða annann hátt en DV er alveg ferlega slæmt hvað þetta varðar (en kosturinn er auðvitað sá að spólurnar og tækin eru ódýrari, auðvelt er að senda DV vídeó í rauntíma yfir FireWire snúrur og þarafleiðandi er DV mjög sniðugt fyrir þá sem vilja eiga bæði kameru og klippisett osfrv). En eftir stendur að kamerurnar sjá miklu meira en það sem endar á bandinu.
Til eru samt óþjappaðar útgáfur af dýrari vídeóvélum en það eru græjur sem þurfa oftast þykka kapla og stórar stæður af háhraða hörðum diskum til að taka á móti gögnunum.
En nú var ég að rekast á vefsíðu hjá fyrirtækinu Reel Stream sem segist geta sett græju í venjulegar DV vélar sem getur tekið hrá gögnin úr myndavélarhlutanum (áður en kameran fer að eiga við þau og setja hina hvimleiðu DV þjöppun á þau til að geta skrásett á bandið) og tekið þau beint upp á utanáliggjandi USB2 harðan disk! Það þýðir mjög mikla aukningu á upplýsingum sem maður getur unnið með. Gallinn er auðvitað sá að myndirnar sem koma úr þessu eru ónothæfar nema að þær séu litgreindar en það er ekki vandamál fyrir fagmenn.
Hérna eru myndadæmi sem útskýra þetta betur:
- Í stað þess að nota myndir með DV þjöppun:
- Þá má fá hráar upplýsingarnar úr vélinni:
- Og litgreina svo að allt líti rétt út:
Þetta hljómar næstum því of gott til að vera satt. Ég get varla beðið eftir því að fá að fikta í svona græju. Vonandi kaupir eitthvað af fyrirtækjunum sem ég freelanca hjá svona...
Litgreiningin skilar Adobehimni og sterkum kontröstum en þurrkar út smááatriði, einkum á trjánum. Greinar hverfa bara eins og yfir þær hafi verið lagt svart malbik. Rétt eins og gráa skuggasvæðið á veginum og gangstéttinni/hjólastígnum. Það gerist eitthvað með dýptina líka, svæðið bak við húsin pressast eins og í telefótó.
Gisli skrifaði kl. 18:31, 7 maí, 2006